डोटीमा बस पल्टियोः ३० जना घाइते, ६ जनाको अवस्था गम्भीर

डोटीमा भएको बस दुर्घटनामा कम्तीमा ३० जना घाइते भएका छन् । तीमध्ये छ जनाको अवस्था गम्भीर रहेको प्रहरीले जनाएको छ ।

कैलालीको अत्तरियाबाट बाजुराका लागि गएको बस पूर्वीचौकी गाउँपालिका ४ स्थित सानागाउँमा पल्टिएको हो । सु.प.प्र. ०१००१ ख ३१०८ नम्बरको उक्त बस सडकबाट झण्डै ५० मिटर तल खसेको हो ।

जिल्ला प्रहरी कार्यालय डोटीका अनुसार घाइतेहरूको नेपाली सेना, निर्वाचन सुरक्षा टोली, सशस्त्र प्रहरी बल र नेपाल प्रहरीको टोलीले उद्धार गरेको हो । घाइतेहरूको स्थानीय स्वास्थ्य संस्थामा उपचार भइरहेको छ । गम्भीर घाइतेलाई थप उपचारको निम्ति जिल्ला अस्पताल डोटी लगिएको छ ।