मासु पसलमा पड्किएको ग्यासले भट्टी पसल पनि ध्वस्त

आज अपरान्ह नरदेवीमा ग्यास बिस्फोट हुँदा दुई वटा पसल जलेको छ । स्थानीय नारायण मानन्धरको घरमा रहेको मासु पसलमा ग्यास लिक भएर बिस्फोट हुँदा आगलागी भएको हो ।

मासु पसलमा लागेको आगो सँगैको पञ्चमाया तामाङले सञ्चालन गरेको भट्टी पसलमा सल्केर दुबै पसल जलेको प्रहरीले बताएको छ । आगलागीमा मानवीय क्षति नभए पनि भौतिक क्षति भएको छ ।

आगलगी नियन्त्रणमा लिन नेपाल प्रहरी, नेपाली सेना, स्थानिय बासिन्दा, जुद्ध बारूणयन्त्र बाट दुई वटा दमकल खटेका थिए ।