पोखरामा मोटरसाइकल दुर्घटना, १ जना बिते अर्का घाइते

कास्कीको पोखरा महानगरपालिका–२५, हेम्जामा गए राति भएको मोटरसाइकल दुर्घटनामा एक जनाको मृत्यु भएको छ । दुर्घटनामा अर्का एक जना गम्भीर घाइते भएका छन् ।

गम्भीर घाइते भएका मोटरसाइकलमा सवार स्थानीय २७ वर्षीय अक्षयराज कुँवरको उपचारको क्रममा मणिपाल शिक्षण अस्पताल पोखरामा आज बिहान मृत्यु भएको प्रहरीले जनाएको छ ।

घाइते ३५ वर्षीय दिलिप कुँवरको सोही अस्पतालमा उपचार भइरहेको छ । नौडाँडाबाट पोखरातर्फ जाँदै गरेको ग. १० प ७६६६ नम्बरको मोटरसाइकल राति साढे ९ बजे अनियन्त्रित भएर पल्टिएको बताइन्छ ।

मोटरसाइकलमा सवार दुई जनामध्ये चालक को थिए भन्नेबारे खुल्न नसकेको अस्थाई प्रहरी पोष्ट हेम्जाले जनाएको छ ।