लर्डबुद्ध स्कुल अगाडि लास भेटियो

भक्तपुरमा एक पुरुषको शव भेटिएको छ । मध्यपुरथिमी नगरपालिका-८ बोडेस्थित लर्डबुद्ध स्कुल अगाडि आज बिहान हत्या गरि फालिएको अवस्थामा कल्याण साहुको शव फेला परेको हो ।

५१ वर्षीय कल्याणको हत्या गरेको आशंकामा केही व्यक्तिलाई पक्राउ गरिएको प्रहरी परिसर भक्तपुरका प्रवत्ता राजु पाण्डेले जानकारी दिए । तर, पक्राउ गरेको व्यक्तिहरुको संख्या र परिचय गोप्य राखेर अनुसन्धान गर्न थालिएको उनले बताए ।

प्रहरीका अनुसार स्कुल अगाडिको निर्माणाधीन टहरामा घोप्टो परी रगताम्य अवस्थामा लास फेला परेको हो । प्रारम्भिक अनुसन्धानपछि लास पोष्टमार्टमका लागि केएमसी अस्पताल दुवाकोटमा राखिएको छ ।