भारतीय मोटरसाइकलमा स्रोत नखुलेको रुपैयाँ

रौतहटमा स्रोत नखुलेको रुपैयाँसहित दुई जना पक्राउ परेका छन् । गौर नगरपालिका–१ बाट स्रोत नखुलेको चार लाख २० हजार रूपैयाँसहित उनीहरु समातिएका हुन् ।

बिहारको बैरगनिया–९ बस्ने ३० वर्षीय चन्दनकुमार र अर्का ३६ वर्षीय राजेश साहलाई प्रहरीले उक्त रकमसहित समातेको हो ।

बीआर ३० एस ५४८१ नम्बरको मोटरसाइकलमा भारतबाट गौरतर्फ आउँदै गर्दा उनीहरु पक्राउ परेको प्रहरीले जनाएको छ । उनीहरुलाई नियन्त्रणमा लिएर आवश्यक अनुसन्धान गरिरहेकोे बताइएको छ ।