माओवादीनिकट महिला नेत्रीहरुलाई तीजको दर

नेकपा माओवादी केन्द्रका उपमहासचिव तथा ऊर्जामन्त्री पम्फा भुसाललगायतका नेत्रीहरु भातृ संगठनले आयोजना गरेको तीज विशेष कार्यक्रममा सहभागी हुन बुध्दनगर पुगेका छन् । अनेरास्ववियु (क्रान्तिकारी) को केन्द्रीय छात्रा विभागले आयोजना गरेको कार्यक्रम बुध्दनगरस्थित क्वालिटी ब्याँक्वेटमा जारी छ ।

कार्यक्रममा मन्त्री भुसाल प्रमुख अतिथि र विशेष अतिथि पूर्वसभामुख तथा माओवादी नेतृ ओनसरी घर्तीमगरलाई बनाइएको छ । त्यस्तै, माओवादी नेतृहरु जयपुरी घर्ती मगर,सत्या पहाडी, उर्मिला अर्याल,अमृता थापामगर, अञ्जना विसंखे र कल्पना शर्मालगायत स्थायी कमिटी सदस्यहरु पनि त्यहीँ छन् ।अखिल क्रान्तिकारी अध्यक्ष पञ्चा सिंह,छात्रा विभाग प्रमुख तथा उपाध्यक्ष प्रबिना अधिकारीलगायत अन्य विद्याथी संगठनका नेता र क्रान्तिकारी समर्थित विद्यार्थीहरू कार्यक्रममा उपस्थित रहेको बताइएको छ ।