एसएलसी ग्रेडवृद्धि परीक्षामा नक्कली परीक्षार्थी
रुकुम पश्चिममा अरुको नाममा परीक्षा दिने एक नक्कली परीक्षार्थी पक्राउ परेका छन् । आठबिसकोट नगरपालिका–१४ का १९ वर्षीय वीरेन्द्र मल्ललाई नियन्त्रणमा लिइएको जिल्ला प्रहरी कार्यालय, रुकुम पश्चिमले जनाएको छ ।
मुसिकोट नगरपालिका–५ स्थित यमुनानन्द नमूना माविमा सञ्चालन भइरहेको कक्षा १० को एसईईको ग्रेडवृद्धिको परीक्षामा अर्काको नाममा परीक्षा दिँदै गर्दा मल्ललाई हिजो पक्राउ गरिएको प्रहरीले जनाएको छ ।
मल्ललाई नियन्त्रणमा लिएर शिक्षा ऐनअन्तर्गत जिल्ला अदालतबाट म्याद थप गरी अनुसन्धान भइरहेको प्रहरीले बताएको छ ।
ट्रेन्डिङ पोस्ट
टिप्पणीहरू