अरिङ्गाल खाने लोभले ज्यानै गयो

ताप्लेजुङमा अरिङ्गालले चिलेर एक युवकको ज्यान गएको छ । पाथीभरा याङवरक गाउँपालिका-१ नाङ्खोल्याङमा अरिङ्गालले टोकेर स्थानीय खेमराज बर्देवाको गएराती मृत्यु भएको हो ।

हिजो साँझ घर नजिककै जङ्गलमा अरिङ्गाल झार्न गएका उनको रुखबाट लडेर निधन भएको प्रहरीले जनाएको छ । अरिंगालले टोकेपछि सिकिस्त भएका बर्देवाको रुखबाट खसेर मृत्यु भएको र अहिले पोस्टमार्टमका लागि जिल्ला अस्पताल ताप्लेजुङमा राखिएको छ ।