साढे ३९ लाख नगदसहित नागढुंगाबाट टिकाराम भट्टराई पक्राउ

प्रहरीले ठूलो परिमाणमा स्रोत नखुलेको रकमसहित नागढुंगाबाट एक जनालाइ पक्राउ गरेकाे छ । नवलपरासी बर्दघाट नगरपालिका-६ का २२ वर्षीय टीकाराम भट्टराई अवैध रकमसहित पक्राउ परेका हुन् ।

धादिङबाट काठमाडौं आउँदै गरेको ना४ख ९६७४ नम्बरको बसमा यात्रु चेकजाँचको क्रममा प्रहरी प्रभाग नागढुङ्गाको टोलीले भट्टराईकले बोकेको हरियो रङको झोलाबाट ३९ लाख ५० हजार पाँच सय रुपैयाँ फेला पारेकाे हाे । प्रहरीका अनुसार उनकाे साथबा मोबाइल र हरियो रङको (आर्मी कम्ब्याट) झोला पनि बरामद भएको छ ।

भट्टराईलाई नियन्त्रणमा लिएर प्रहरी वृत्त थानकोटले आवश्यक अनुसन्धान गरिरहेको प्रहरीले बताएकाे छ ।