हुण्डी कारोबारीको साढे चार लाख हेलमेटमा

हुण्डी कारोबारी अवैध रकमसहित पक्राउ परेका छन् । वीरगञ्ज महानगरपालिका–१२ का २७ वर्षीय सुरज पटेललाई प्रहरीले स्रोत नखुलेको रकमसहित समातेको हो ।

भारतको रक्सौलबाट वीरगञ्जतर्फ आउँदै गरेको ना.५२ प २४२० नम्बरको मोटरसाइकल रोकी चेकजाँच गर्दा शंकराचार्य सडक खण्डबाट पटेलले प्रयोग गरेको हेलमेटभित्र लुकाइ राखेको चार लाख पचास हजार रुपैयाँ फेला परेको जिल्ला प्रहरी कार्यालय पर्साले जनाएको छ ।

मोटरसाइकल र रकम बरामद गरेपछि पटेलमाथि बैंक तथा वित्तीय संस्था सम्बन्धी ऐन, २०७३ विरूद्वको कसूरमा अनुसन्धान भइरहको प्रहरीले बताएको छ ।