लागूऔषध र हतियारसहित पप्पु पक्राउ
सिरहामा लागूऔषध र धारिलो हतियारसहित एक किशोर पक्राउ परेका छन् । कल्याणपुर नगरपालिका-२ का १९ वर्षीय पप्पु भन्ने सुमन मण्डल लागूऔषधसहित पक्राउ परेका हुन् ।
भारतीय बजार जयनगरबाट कमलाको किनार हुँदै कल्याणपुरतर्फ साइकलमा आइरहेका मन्डललाई चेकजाँच गर्दा उनको साथबाट २ पत्ता नाइट्रोजन ट्यावलेट, ३ पिस एम्पुल, तरबार, फर्सा एक/एक थान, फाइटर रिङ ६ थान, पेस्तोलजस्तो देखिने लाइटर एक थान फेला पारेको जिल्ला प्रहरी कार्यलय सिरहाले जनाएको छ ।
मण्डललाई नियन्त्रणमा लिएर थप अनुसन्धान भइरहेको प्रहरीले बताएको छ ।
ट्रेन्डिङ पोस्ट
टिप्पणीहरू