एमाले नेता सुमनराज प्याकुरेलमाथि जबर्जस्ती अबिर दलेको आरोप

नेकपा एकीकृत समाजवादीका एक जना जिल्लास्तरीय नेताले एमाले पोलिटब्युरो सदस्यमाथि जबर्जस्ती अबिर दलेको आरोप लगाएका छन् । एकीकृत समाजवादीका राजविराज नगर कमिटी अध्यक्ष मनोज देवले एमाले नेता सुमनराज प्याकुरेलमाथि उक्त आरोप लगाएका हुन् ।

देवले भनेका छन्, ‘पुराना साथीले बोलाएपछि आफू एमाले जिल्ला कमिटिको कार्यालय गएको सत्य हो । त्यहाँबाट फर्कने क्रममा एमाले पोलिटब्युरो सदस्य सुमनराज प्याकुरेलले जबर्जस्ती टीका लगाएर अनर्गल प्रचार गरे ।’

देवले प्याकुरेलले योजनाबद्ध ढंगले पार्टी कार्यालयमा बोलाएर हिँड्ने बेलामा आफूमाथि अबिर दलिएको बताए । त्यसपछि खिचिएको फोटो हालेर सामाजिक सञ्जालमा पार्टी प्रवेश गराएको भ्रम छरेको उनको दाबी छ । देवले प्याकुरेलले गरेको उक्त कार्यको हिजो प्रकाशित विज्ञप्तिमा खण्डन र भत्र्सना गरेका छन् ।