बाँकेमा लागुऔषध कारोबार छ्याप्छ्याप्ती
बाँकेमा लागुऔषधसहित एक जना पक्राउ परेका छन् । खजुरा गाउँपालिका–४ बस्ने २९ वर्षीय आशिष चौधरी लागुऔषधसहित पक्राउ परेका हुन् ।
भारतबाट नेपालतर्फ आउँदै गरेका उनलाई नेपालगञ्ज उपमहानगरपालिका–१५ मा शंका लागेर चेकजाँच गर्दा लागुऔषध फेला परेको हो । उनको साथमा कालो प्लाष्टिकले पोका पारिएको ४ ग्राम ५ सय मिलिग्राम ब्राउनसुगर फेला परेको जिल्ला प्रहरी कार्यालय बाँकेले जनाएको छ ।
उनलाई नियन्त्रणमा लिएर थप अनुसन्धान भइरहेको बताइएको छ । पछिल्लो समय बाँकेमा लागुऔषध कारोबार र सेवनको घटना बढेको छ ।
ट्रेन्डिङ पोस्ट
टिप्पणीहरू