गुडिरहेको बसको ढोकाबाट खसेका सहचालकको निधन

नवलपरासीमा बसको ढोकाबाट खसेर सहचालकको ज्यान गएको छ । सुनवल नगरपालिका–१२, भुमही चोकमा हिजो साँझ बसको ढोकाबाट खसेका उनको निधन भएको हो ।

मृत्यु हुनेमा बर्दघाट नगरपालिका–११, धनेवाका ३३ वर्षीय उमेश चौधरी हुन् । बुटवलबाट बर्दघाटतर्फ आउँदै गरेको लु.१ ख ७३७७ नम्बरको माइक्रोबसको ढोकाबाट खसेका उनको घटनास्थलमै मृत्यु भएको प्रहरीले जनाएको छ ।

हाल बससहित चालकलाई प्रहरीले नियन्त्रणमा लिएर आवश्यक अनुसन्धान थालिएको बताइएको छ ।