भ्यानको ठक्करबाट युवती बितिन्, चालक नियन्त्रणमा

बर्दियामा भ्यानको ठक्करबाट एक युवतीको ज्यान गएको छ । बारबर्दिया नगरपालिका–९, बनगाईस्थित सडक किनारमा यात्रा गरिरहेकी उनलाई भ्यानले ठक्कर दिँदा मृत्युु भएको बताइएको छ ।

प्रहरीका अनुसार भे.१ ज १२४१ नम्बरको भ्यानले गुलरिया नगरपालिका–४, बालापुरकी २५ वर्षीया मीरा चौधरीलाई ठक्कर दिएको हो । ठक्करबाट गम्भीर घाइते उनको मेडिकल कलेज कोहलपुरमा उपचारको क्रममा निधन भएको हो ।

जिल्ला प्रहरी कार्यालय बर्दियाले चालकलाई पक्राउ गरेर कारबाही प्रक्रिया अघि बढाएको जानकारी दिएको छ ।