पैसाको बिटो बोकेर हिँडेकाहरु सीमाना पार नगर्दै समातिए

पर्सामा स्रोत नखुलेको लाखौँ भारतीय रुपैयाँसहित तीन जना समातिएका छन् । वीरगञ्ज महानगरपालिका–१६, रजतजयन्ती चोकबाट २८ लाख भारतीय रूपैयाँसहित उनीहरुलाई गएराति प्रहरीले नियन्त्रणमा लिएको बताइएको छ ।

पक्राउ पर्नेमा नुवाकोट शिखरवेसी–७ बस्ने ४५ वर्षीया अनिता तामाङलगायत ती जना हुन् । उनीहरुको साथबाट २८ लाख ५६ हजार भारतीय रुपैयाँ बरामद गरिएको छ ।

उक्त नगदसहित पक्राउ परेकामाथि आवश्यक अनुसन्धान भइरहेको छ ।