मामाघर जाँदा खोलामा डुबेर मृत्यु

रौतहटमा खोलामा डुबेर चार वर्षीया बालिकाको मृत्यु भएको छ । धनकैल गाउँपालिका–४ महिनाथपुर टोल बस्ने लडाई यादवको चार वर्षीया छोरी काजल कुमारी यादवको डुबेर ज्यान गएको हाे ।

जिल्ला प्रहरी कार्यालय रौतहटका अनुसार उनी बृन्दावन नगरपालिका–४ भवानीस्थित मामा घर गएकी थिइन् । हिजो साँझ खोलामा डुबेर गम्भीर घाइते भएकी उनकाे घटनास्थलमै मृत्यु भएको हो ।

मृतकको शव पोष्टमार्टमका निम्ति जिल्ला अस्पताल राखिएको प्रहरीले बताएकाे छ ।