सुन र आईफोन छिराउन खोज्ने किरण समातिए

भन्सार छली ल्याएको सुनसहित त्रिभुवन अन्तर्राष्ट्रिय विमानस्थलबाट एक जना समातिएका छन् । हिमालय एयरलाइन्सद्वारा दुबईबाट काठमाडौं आएका किरण कुमार तामाङलाई हिजो प्रहरीले पक्राउ गरेको हो ।

रामेछाप घर भएका तामाङको साथबाट भन्सार छली ल्याउँदै गरेको तीन वटा औठी र दुई वटा आईफोन बरामद गरिएको प्रहरीले जनाएको छ ।

प्रहरीका अनुसार बरामद सुन र मोबाइलसहित उनलाई आवश्यक कारबाहीको लागि त्रिभुवन विमानस्थल भन्सार कार्यालय गौचरमा पठाइएको छ ।