माेटरसाइकलकाे डिक्कीभित्र गाँजाको पोका

मोटरसाइकलको डिकीमा लुकाएर लैजाँदै गरेको गाँजा पर्सा प्रहरीले बरामद गरेको छ । वीरगञ्ज महानगरपालिका-१ जगतिया चोकबाट गाँजासहित प्रहरीले दुई जनालाई समातेको हो ।

पक्राउ पर्नेमा धोबिनी गाउँपालिका-५ का ४५ वर्षीय नन्दलाल दास र छिपहरमाई गाउँपालिका-३ बस्ने ३३ वर्षीय बाघा यादव रहेका छन् ।

इलाका प्रहरी कार्यालय सेढवाबाट खटिएको प्रहरी टोलीले विजयवस्तीबाट वीरगञ्ज जादैँ गरेको बीआर २२ के २१८० नम्बरको हिरोहोण्डा स्प्लेन्डर मोटरसाइकल जाँच गर्ने क्रममा डिक्कीभित्र नौ किलो तीन सय ग्राम गाँजा फेला पारी बरामद गरेको जिल्ला प्रहरी कार्यालय, पर्साका प्रहरी नायव उपरीक्षक दीपक गिरिले जानकारी दिए ।

दुवै जनालाई बरामद गाँजा र मोटरसाइकलसहित नियन्त्रणमा लिएर थप अनुसन्धान भैरहेको प्रहरीले बताएको छ ।