लागुपदार्थ ओसारपसारमा १८ वर्षेको संलग्नता

लागुपदार्थ ओसारपसारमा संलग्न रहेको आरोपमा तीन जना पक्राउ परेका छन् । प्रहरीले गडवा गाउँपालिका–६, गडवाबाट खैरो हेरोइन र गाँजासहित गएराति उनीहरुलाई नियन्त्रणमा लिएको हो ।

कोइलाबासबाट लमहीतर्फ जाँदै गरेको भे.१ ह १६४० नम्बरको अटोमा सवार १८ वर्षीय किशोरसहित तीन जनालाई पक्राउ गरिएको प्रहरीले जनाएको छ । उनीहरुको साथबाट ३० ग्राम खैरो हेरोइन र ५० ग्राम गाँजा बरामद गरिएको जनाइएको छ ।

गडवाबाट खटिएको प्रहरी टोलीले चेकजाँच गर्ने क्रममा अटोमा सवार उनीहरुको साथबाट लागुपदार्थ फेला परेको हो ।