सँधै हजारौं सवारी चालक कारबाहीमा

सँधै हजारौं सवारी चालक कारबाहीमा

ट्राफिक प्रहरीले हिजो एकै दिन काठमाडौं उपत्यकाभित्र ट्राफिक नियम उल्लंघन गरेका ३५ सय ७९ जना चालकलाई कारबाही गरेको छ । उपत्यकाका विभिन्न स्थानमा उनीहरुलाई कारबाही गरिएको काठमाडौं उपत्यकाका ट्राफिक प्रहरी कार्यालयले जनाएको छ ।

जसअनुसार नम्बर प्लेट स्पष्ट नभएका ५६८, दिउँसै मापसे गरी सवारी साधन चलाएका २२१ जना चालक कारबाहीमा परेका छन् । अनावश्यक हर्न बजाउने १२० जना, रेड लाइटको पालना नगर्ने ६२ जना र लेन मिचेका ९१ जना चालकलाई पनि कारबाही गरिएको कार्यालयले जनाएको छ ।

अन्य ट्राफिक नियम उल्लंघन गरेका २५ सय १७ जना चालकसमेत कारबाहीमा परेको कार्यालयले जानकारी दिएको छ ।

टिप्पणीहरू