वीरगञ्जबाट आएको मोटरसाइकलमा २० किलो चाँदीका गहना

मकवानपुर प्रहरीले करिब २० किलो चाँदीको तयारी गरगहनासहित एक जनालाई पक्राउ गरेको छ । प्रहरीले विशेष सूचनाको आधारमा अवैध ढंगबाट हेटौँडा ल्याउँदै गरेको १९ किलो ८ सय ४५ ग्राम चाँदीका गरगहनासहित हेटौँडा–१४ बाट लालबाबु साहलाई नियन्त्रणमा लिएको छ ।

वीरगञ्जबाट हेटौँडा आउँदै गरेका साहलाई हेटौँडा १४ स्थित ड्राइभर डाँडाबाट पक्राउ गरिएको प्रहरीले जनाएको छ ।

प्रदेश ०२–०३–०१८ प ८२४८ नम्बरको मोटरसाइकल चढेका उनको साथबाट अवैध चाँदीका गहना बरामद गरिएको प्रहरीको भनाइ छ ।