लागुऔषध बोकेर बस चढेका धिताल आँबुखैरेनीमै रोकिए

तनहुँबाट लागुऔषधसहित एक युवक पक्राउ परेका छन् । आँबुखैरेनी गाउँपालिका–४ स्थित बेनिटार लमजुङ घर भएका २५ वर्षीय सन्देश धिताल लागुऔषधसहित समातिएका हुन् ।

वीरगञ्जबाट लमजुङ जाँदै गरेको ना.६ ख ९०९७ नम्बरको बसमा सवार धिताललाई इलाका प्रहरी कार्यालय आँबुखैरेनीले चेकजाँचको क्रममा उनको साथबाट ४४ एम्पुल नुर्फिन, ४४ एम्पुल डाइजेपाम र ४४ एम्पुल फेनारगन बरामद गरेको जिल्ला प्रहरी कार्यालय, तनहुँले जनाएको छ ।

धिताललाई नियन्त्रणमा लिएर तनहुँ जिल्ला अदालतबाट ६ दिनको म्याद लिएर लागुऔषध मुद्दामा अनुसन्धान भइरहेको जनाइएको छ ।