बजरंगको साथमा लाखौंको बिटो

धनुषाबाट स्रोत नखुलेको लाखौँ रकमसहित दुई जना पक्राउ परेका छन् । सबैला नगरपालिका–१२ रघुनाथपुर नहर चोकबाट सुनसरीको ईनरूवा नगरपालिका–२ बस्ने २७ वर्षीय बजरंग प्रसाद गुप्ता र अर्का एक जना समातिएका हुन् ।

इलाका प्रहरी चौकी बरमझियाबाट खटिएको प्रहरीले हिजो साँझ प्र.१–०२–०४६ प ५६३१ नम्बरको मोटरसाइकलमा सवार उनीहरूलाई चेकजाँच गर्दा उनीहरुको साथमा २० लाख रुपैयाँ स्रोत नखुलेको नगद फेला पारी बरामद गरेको हो ।

बरामद रकमसहित दुवै जनालाई नियन्त्रणमा लिएर अनुसन्धान भइरहेको प्रहरीले बताइएको छ ।