तनहुँमा चितुवाको अर्को आक्रमण, बालिकाको ज्यान गयो
तनहुँमा चितुवाको आक्रमणबाट बालिकाको ज्यान गएको छ । बन्दीपुर गाउँपालिका–३, सिस्नेघारीमा चितुवाको आक्रमणबाट आज बिहान ११ वर्षीया बीना चेपाङको निधन भएको हो ।
जिल्ला प्रहरी कार्यालय, तनहुँका अनुसार घरबाट सानिआमाको घर जाने क्रममा उनी सिस्नेघारीमा चितुवाको आक्रमणमा परेकी हुन् । चेपाङको घाँटीमा आक्रमण गरेकाले घटनास्थलमै मृत्यु भएको प्रहरीले बताएको छ ।
यसअघि पनि गत जेठमा बन्दीपुर ४ मा चितुवाको आक्रमणबाट बालिका घाइते भएकी थिइन् ।
ट्रेन्डिङ पोस्ट
टिप्पणीहरू