लक्ष्मीपूजालगत्तै दमौलीको कस्मेटिक पसलमा आगो दनदनी

तनहुँको सदरमुकाम दमौलीमा हिजो राति एउटा पसलमा आगलागी भएको छ । स्थानीय सफा सडकस्थित नागिना कस्मेटिक पसलमा गए राति ९ बजे आगलागी भएको हो ।

आगलागीबाट लाखौँको क्षति भएको बताइएको छ । जिल्ला प्रहरी कार्यालय तनहुँले विद्युत् सर्टका कारण आगलागी भएको जनाएको छ ।

व्यास नगरपालिकाको दमकलले बेलैमा आगो नियन्त्रणमा लिएको कारण थप क्षति हुन नपाएको बताइन्छ । क्षतिको विवरण संकलन भइरहेको छ ।