मोटरसाइकल दुर्घटनामा चालक बिते, पछाडि बस्ने सिकिस्त

उदयपुरमा मोटरसाइकल दुर्घटना हुँदा चालकको ज्यान गएको छ । कटारी नगरपालिका–११, हर्देनीमा मोटरसाइकल दुर्घटना हुँदा चालकको मृत्यु भएको हो ।

मृत्यु हुनेमा स्थानीय २४ वर्षीय यम्बरबहादुर श्रेष्ठ हुन् । दुर्घटनामा मोटरसाइकल पछाडि सवार स्थानीय २१ वर्षीया इन्दिरा कार्की गम्भीर घाइते भएकी छन् । उनको कटारी अस्पतालमा उपचार भइरहेको बताइएको छ ।

बेतिनीबाट गँहुबारीतर्फ जाँदै गरेको ‘अन टेष्ट’ लेखिएको मोटरसाइकल हिजो बेलुकी साढे ७ बजे दुर्घटना भएको जिल्ला प्रहरी कार्यालय, उदयपुरले जनाएको छ ।