भाइटीकाको दिन १८ जना जुवाडे रिसोर्टमा समातिए

काठमाडौंको नागर्जुन नगरपालिका–७ स्थित एक रिसोर्टमा जुवा खाल खेलिरहेका १८ जना जुवाडे पक्राउ परेका छन् । हिजोराति सिटी भ्यू रिसोर्टभित्र जुवा खेलिरहेका उनीहरुलाई प्रहरीले खालबाटै समातेको हो ।

पक्राउ परेका सबै पुरुष रहेको र उनीहरूको साथबाट प्रहरीले तीन लाख ८२ हजार ५ सय ९५ रूपैयाँ नगद, १५ बुक तास र कौडा बरामद गरेको बताइएको छ ।

उनीहरूलाई प्रहरी वृत्त स्वयम्भूले नियन्त्रणमा लिइ अनुसन्धान गरिरहेको छ ।