भाइटीकाको दिन गाई फर्ममा चोरी

भक्तपुरको सूर्यविनायक नगरपालिका–४, हर्षचोकमा रहेको एउटा गाई फर्ममा चोरी भएको छ । हिजो भाइटीकाको दिन मान्छे नभएको मौका पारेर चोरले फर्मबाट नगद र सुनका गहना निकालेको हो ।

काभ्रेको पनौतीका जुगल दास दंगालले संचालन गरेको फर्मबाट चार लाख ७३ हजार रूपैयाँ बराबरको धनमाल चोरी भएको जिल्ला प्रहरी कार्यालय भक्तपुरले जनाएको छ । चोरीमा संलग्नहरूको खोजी भइरहेको प्रहरीले बताएको छ ।