छठ हेर्न खोलामा गएका बालकमाथि छुरा प्रहार,अभियुक्तहरू फरार

मोरङमा छुरा प्रहारबाट एक बालकको मृत्यु भएको छ । उर्लाबारीस्थित मावा खोलामा छठ पर्व हेर्न गएका बालकको छुरा प्रहारबाट मृत्यु भएको बताइएको छ । झापाको दमक नगरपालिका–१० बस्ने १४ वर्षीय डियुज श्रेष्ठको छुरा प्रहारबाट ज्यान गएको हो ।

हिजो राति साढे १० बजे श्रेष्ठमाथि छुरा प्रहार भएको जिल्ला प्रहरी कार्यालय,मोरङका नायव उपरीक्षक दिपक श्रेष्ठले जानकारी दिए । छुरा प्रहारबाट गम्भीर घाइते भएका श्रेष्ठलाई गोदावरी हस्पिटल लगिएकोमा त्यहाँ उपचार सम्भव नभएपछि झापाको बिएन्डसी अस्पतालमा रिफर गरिएको थियो ।

उपचारकै क्रममा गएराति उनको मृत्यु भएको हो । शव पोष्टमार्टमका निम्ति सोही अस्पतालमा राखिएको बताइएको छ । छुरा प्रहार गर्नेहरु अझै फरार रहेकाले खोजी तथा अनुसन्धान भइरहेको डिएसपी श्रेष्ठले बताए ।