खाजा घरमा जुवाको खाल,पाँचै जनाको अब बेहाल

पर्साको वीरगञ्ज महानगरपालिका-८ गहवास्थित एक खाजा घरबाट पाँच जना जुवाडे समातिएका छन् ।

जिल्ला प्रहरी कार्यालय पर्सा र वडा प्रहरी कार्यालय विर्ताबाट खटिएको प्रहरी टोलीले रमेश खड्गीको खाजा होटलमा जुवा खेलिरहेको अवस्थामा उनीहरुलाई हिजो राति पक्राउ गरेको हो ।

पक्राउ पर्नेमा सोही ठाउँका ४० वर्षीय अशोककुमार कानु, ३३ वर्षीय दिपलाल चौरसिया,सोही महानगरपालिका-७ का २५ वर्षीय अर्जुन तुरहा, सोही महानगरपालिकाका-१६ का ५० वर्षीय सानु शाही र सोही महानगरपालिका-५ का ४८ वर्षीय रमेश खड्गी रहेका छन् ।

उनीहरुको साथबाट प्रहरीले ९३ हजार १५० रुपैयाँ नगद र एक सेट तास बरामद गरेको छ । पाँचै जनालाई नियन्त्रणमा लिएर जिल्ला प्रहरी कार्यालय पर्साबाट थप अनुसन्धान भैरहेको प्रहरीले बताएको छ ।