एनएमबी बैंकको एटिएम तोडफोड गर्ने तीन जना समातिए

एटिएम मेसिन तोडफोड गरेको आरोपमा तीन जना समातिएका छन् । ललितपुर महानगरपालिका-५ कुमारीपाटीमा रहेको एनएमबी बैंकको एटिएम मेसिन तोडफोड गर्ने उनीहरुलाई प्रहरीले पक्राउ गरेको हो ।

पक्राउ पर्नेमा नुवाकोटका ३१ वर्षीय वसन्त तिवारी, २४ वर्षीय विजय तिवारी र सुनसरीका ३५ वर्षीय अनिल राई हुन् । कात्तिक ४ गते राति उनीहरुले उक्त बैंकको एटिएम मेसिन तोडफोड गरी रकम चोरी गर्ने प्रयास गरी भागेको प्रहरीले जनाएको छ ।

उनीहरूलाई जिल्ला प्रहरी परिसर ललितपुर र वडा प्रहरी कार्यालय लगनखेलबाट खटिएको प्रहरीले पक्राउ गरेको हो । पक्राउ परेका तीनैजनामाथि जिल्ला अदालत ललितपुरबाट म्याद थप गरी आवश्यक अनुसन्धान भइरहेको छ ।