टिपरले राती मान्छे मारेपछि ककनी जाने बाटो अवरुध्द

काठमाडौंबाट नुवाकोटको ककनीतर्फ जाने सडकको तीनपिप्लेमा सवारी दुर्घटना हुँदा राती एक जनाको ज्यान जानुका साथै सोही कारण त्यताको यातायात अवरुद्ध भएको छ । गए राति १० बजेको दुर्घटनामा बाग्मती प्रदेश ०२–०२५ प ६१८९ नम्बरको मोटरसाइकलका चालक तारकेश्वर–३, पाँचमाने निवासी २२ वर्षका सविन फुयाँल सख्त घाइते भएका थिए । उनलाई उपचारार्थ त्रिभुवन शिक्षण अस्पताल महाराजगञ्ज पुर्याइए पनि राति ११ बजे मृत घोषणा गरिएको थियो ।

उक्त दुर्घटना सडकमा गुडेको ट्रिपरले गराएको आरोपसहित स्थानीयले आज बिहानदेखि सडक अवरुध्द बनाएका छन् ।