शान्ति स्थापनार्थ नेपाली सैनिक टोली सुडान उड्यो

‘युनाइटेड मिशन इन साउथ सुडान’ का लागि नेपाली सेनाको एक टोली दक्षिण सुडानतर्फ प्रस्थान गरेको छ । संयुक्त राष्ट्रसंघको आह्वानमा शान्ति स्थापना कार्यका लागि २२४ जनाको टोली त्यता लागेको हो । 

ईथियोपियन एयरको ईटी–८८०१ उडानमा काठमाडौंबाट उक्त टोली दक्षिण सुडानका लागि निस्किएको हो । वीरदल गण (शान्ति सेना) ९ औं डफ्फाको तेस्रो रोटेशन फ्लाइटअन्तर्गत सेनानी योगेशकुमार शाहीको कमाण्डमा टोली हिजो राति उडेको बताइएको छ ।