हिजो जयन्ती, आज दिव्योपदेशको चर्चा

आज राजधानीमा पृथ्वीनारायण शाहको दिव्योपदेशको चर्चा गर्न लागिएको छ । हिजो पृथ्वी जयन्ती तथा राष्ट्रिय एकता दिवसको अवसरमा सार्वजनिक बिदा दिइएको थियो । आज सोही सन्दर्भमा शाहका दिव्योपदेशबारे चर्चा गर्न लागिएको बताइएको छ ।

नेपाल प्राज्ञिक परिषद्द्वारा ‘नेपालको वर्तमान अवस्थामा दिव्य उपदेशको सान्दर्भिकता’ विषयक विचार गोष्ठीको आयोजना गर्न लागिएको जानकारी दिइएको छ । आज १ बजे थापा गाउँ, नयाँ बानेश्वरको अर्पण ब्याङ्क्वेटमा कार्यक्रम राखिएको छ । 

नेपाल प्रज्ञा प्रतिष्ठानका पूर्वउपकुलपति डा. जगमान गुरुङ, संविधानविद् डा. विपिन अधिकारी, राप्रपा अध्यक्ष राजेन्द्र लिङ्देनले त्यसबारे बोल्ने बताइएको छ ।