प्रधानमन्त्री भेट्न आएका पोखराका पत्रकार त्रिभुवन पौडेलसमेत प्लेन क्र्यासमा परेको आशंका

प्रधानमन्त्री भेट्न हिजै मात्र काठमाण्डौ गएका पोख्रेली पत्रकार त्रिभुवन पौडेल पनि आजको जहाज दुर्घटनामा परेको आशंका छ ।

प्रधानमन्त्रीलाई बिहान ८:३० बजे भेट्ने समय तय भएकोमा योग दिवसको ब्यस्तताका कारण समय घर्किएको र आज माघी पनि परेको कारण अर्को दिन आउने गरी घर फर्कने क्रममा आज बिहान काठमाण्डौ विमानस्थल पुगेकोसम्म पुष्टि भएको र सोही नामका एक यात्रुसमेत उक्त जहाजमा रहेको बुझिएको छ ।

पत्रकार महासंघको सँस्थापक गण्डकी प्रदेश अध्यक्ष,प्रेस सेन्टर उपाध्यक्ष र हाल पत्रकार महासंघको  केन्द्रीय सदस्य रहेका पौडेल कृष्णबहादुर महराको अर्थमन्त्री कालमा प्रेस सल्लाहकार थिए । अहिले पत्रकार महासंघको केन्द्रीय कार्यसमिति बैठक बसिरहेको छ ।