कञ्चनपुरमा लागुऔषध कारोबारी समातिए
कञ्चनपुरमा लागुऔषधसहित चार जना पक्राउ परेका छन् । पुनर्वास नगरपालिका र भीमदत्त नगरपालिकाबाट चार जना पक्राउ परेका हुन् ।
प्रहरीले पुनर्वास नगरपालिका ११, डोकेबजारबाट झण्डै ६२ ग्राम खैरो हिरोइनसहित भारत घर भई धनगढी १ मा बस्दै आएका १९ वर्षीय सानु अन्सारीलाई नियन्त्रणमा लिएको हो । भारतबाट नेपालतर्फ आइरहेका अन्सारी प्रहरीले जाँच गर्ने क्रममा लागुऔषधसहित पक्राउ परेका हुन् ।
यस्तै भीमदत्त नगरपालिका १७, मझगाउँबाट अन्य तीन जना पक्राउ परेका छन् । १८ नम्बर वडाका अभिषेक गुरुङले चलाएको भारतीय नम्बर प्लेटको मोटरसाइकलमा सवार २१ वर्षीय आशिष छिनाल र २२ वर्षीय जीवन कार्कीको साथबाट प्रहरीले लागुऔषध बरामद गरेको छ ।
उनीहरुले डाइजेपाम १९ सीसी, रेस्कोजेसिक ९६ सीसी, फेनारगन ९६ पिस ल्याएको बताइन्छ । उनीहरु सबैलाई आवश्यक अनुसन्धान थालिएको प्रहरीले जनाएको छ ।
टिप्पणीहरू