सिन्धुपाल्चोकमा आगलागी, घर ध्वस्त

सिन्धुपाल्चोकमा आज साँझ लागेको आगोमा एउटा घर जलेर नष्ट भएको छ । साँझ ५ बजेको समयमा बाह्रबिसे नगरपालिका ३, खुर्सानीबारी, बिक टोलमा आगो लागेको हो ।
स्थानीय सुकमान बिकको एकतले घरमा करेन्ट सर्ट भएर आगलागी भएको हो । आगलागीका कारण घर पूर्ण रुपले नष्ट भएको छ । 

घरमा रहेको लत्ताकपडा र सबै सामानमा पनि आगोमा खरानी भएको छ । प्रहरीका अनुसार अन्दाजी ५ लाख रुपैयाँको क्षति भएको प्रारम्भिक अनुमान छ ।  उक्त घटनामा कुनै मानवीय क्षति नभए पनि छिमेकी वीरबहादुर बिकको घरको जस्ता र जम्मा पारिएको केही दाउरा जलेको छ । प्रहरी र स्थानीयको सहयोगमा उक्त आगो साँझ नियन्त्रणमा आएको बताइन्छ ।