बिहारमा दुलही लिन गएका जन्ती चढेको बस पल्टियो, एकको मृत्यु

पर्साको पोखरियाबाट भारततर्फ जन्ती बोकेर गएको बस आज नेपाल फर्कंदै गर्दा दुर्घटनामा परेको छ । बिहारको लौरियामा भएको दुर्घटनामा एक जनाको मृत्यु भएको बताइएको छ । बसमा सवार ४० जनाभन्दा बढी जन्ती घाइते भएका छन् । ना. ५ ख ११९८ नम्बरको बस दुर्घटनामा १८ वर्षीय ओमप्रकाश साहको मृत्यु भएको हो ।

दुर्घटनामा ४० जना जन्ती घाइते भएको जिल्ला प्रहरी कार्यालय पर्साले जनाएको छ । मृतकको शव नेपाल ल्याइएको छ । केही घाइते नेपाल फर्के पनि केहीको उतै अस्पतालमा उपचार भइरहेको बुझिएको छ ।