नयाँ राष्ट्रपतिलाई बोहोराटारमा दुबोको माला

आगामी सोमबारदेखि राष्ट्रपति पदको जिम्मेवारी सम्हाल्न लाग्नुभएका रामचन्द्र पौडेललाई हिजो साँझ घर छिर्ने बेला दुबोको मालाले छोपिएको छ । संसद भवन नयाँ बानेश्वरमा भएको मतदान र मतपरिणामपछि साँझ ७ बजे उहाँ बालाजु बोहोराटारस्थित निवास पुग्नुभएको थियो । 

निर्वाचन आयोगले राष्ट्रपतिमा निर्वाचित भएको प्रमाणपत्र हस्तान्तरण गरेसङ्गै उहाँलाई सांसदहरुले बधाई दिएका थिए । त्यसपछि पौडेललाई परिवारका सदस्यहरुले दुबोको माला लगाएर घर भित्र्याए । 

परिवारका अधिकांश सदस्य तथा नातेदारहरुले स्वागत गरेपछि उहाँले बैठक कक्षमा भेटघाट गर्नुभएको फोटो नातेदारहरुले सामाजिक सञ्जालमा पोष्ट गरेका छन् ।