शीतल निवासमा जिम्मेवारी हेरफेरको पूर्वसन्ध्यामा सुरक्षा अधिकारीहरुको सिंहदरबारमा बैठक

सिंहदरबारस्थित गृह मन्त्रालयमा आज साँझ केन्द्रीय सुरक्षा समितिको बैठक बसेको छ । गृह सचिव विनोदप्रकाश सिंहको अध्यक्षतामा बसेको बैठकमा मुलुकका चार वटै सुरक्षा निकायका प्रमुख तथा प्रतिनिधिहरुको उपस्थिति रहेको बताइन्छ ।

बैठकमा नेपाली सेनाका जर्नेल सरोजप्रताप राणा, प्रहरी महानिरीक्षक धिरजप्रताप सिंह, सशस्त्र प्रहरी बल नेपालका महानिरीक्षक राजु अर्याल र राष्ट्रिय अनुसन्धान विभागका प्रमुख हुतराज थापाको उपस्थिति थियो ।

भोलिदेखि नयाँ राष्ट्रपति रामचन्द्र पौडेलले आफ्नो पदको शपथग्रहण र जिम्मेवारी सम्हाल्दै हुनुहुन्छ । बहालरत राष्ट्रपति विद्यादेवी भण्डारी आजै मध्यरातदेखि निवर्तमान हुन लाग्नुभएको छ ।