शीतल निवासको आँगनमा सबैको दौरा सुरुवाल,पासाङ्गको पद आज समाप्त

नवनिर्वाचित उपराष्ट्रपति रामसहायप्रसाद यादवले पद तथा गोपनीयताको शपथ लिनुभएको छ । राष्ट्रपति भवन शीतल निवास, महाराजगञ्जमा आयोजित विशेष समारोहमा राष्ट्रपति रामचन्द्र पौडेलले उहाँलाई शपथ गराउनुभएको हो । 

समारोहमा निवर्तमान उपराष्ट्रपति नन्दबहादुर पुन,प्रधानमन्त्री पुष्पकमल दाहाल ‘प्रचण्ड’, सभामुख देवराज घिमिरे, राष्ट्रियसभाका अध्यक्ष गणेशप्रसाद तिमिल्सिनालगायतको उपस्थिति थियो ।

समारोहमा राष्ट्रपति पौडेल, नवनिर्वाचित उपराष्ट्रपति यादव, निवर्तमान उपराष्ट्रपति पुन, प्रधानमन्त्री दाहाल,सभामुख घिमिरे, राष्ट्रिय सभाका अध्यक्ष तिमिल्सिना सबै दौरा सुरुवालमा सजिनुभएको थियो ।