सेनाको भैरवनाथ गणको ट्रक नारायणगढ नजिकै पल्टियो
नेपाली सेनाको एउटा ट्रक राजमार्गमा पल्टिएको छ । काठमाडौंबाट नारायणगढतर्फ गइरहेको ट्रक आज दिउँसो ३ बजे घुमाउने भन्ने स्थानमा पल्टेको हो ।
बाराको अमलेखगञ्जतर्फ गइरहेको भैरवनाथ गणको लु.१ग १०९ नम्बरको ट्रक पल्टिँदा सवार १४ जनामध्ये तीन जना घाइते भएका छन् । उनीहरुको भरतपुरस्थित पुरानो मेडिकल कलेजमा उपचार भइरहेको प्रहरीले जनाएको छ ।
सडकमा पल्टिएको ट्रकका कारण आवागमन एकतर्फी भएको छ । अस्पतालका अनुसार ट्रक चालक ३३ वर्षका अमल्दार कृष्ण प्याकुरेल, ३९ वर्षका जम्दार उत्तम कार्की, ३२ वर्षे अमल्दार केआई सिंहलाई अन्यको तुलनामा बढी चोट लागेको छ ।
टिप्पणीहरू