ड्युटीमा खटिएका वरिष्ठ हवल्दार खोलामा बेपत्ता
नेपाल प्रहरीका ड्युटीमा खटिएका एक जना वरिष्ठ हवल्दार खोलामा खसेर बेपत्ता भएका छन् । डोल्पामा ड्यूटीमा खटिएका प्रहरी हवल्दार जोशीराम रेगामी बेपत्ता भएको बताइएको छ ।
इलाका प्रहरी कार्यालय काइगाउँमा कार्यरत ४१ वर्षका वरिष्ठ हवल्दार जोशीराम रेगामी काईगउँ खोलामा खसेपछि बेपत्ता भएका हुन् । जिल्ला प्रहरी कार्यालय डोल्पाका अनुसार दैलखको नौमुले गाउँपालिका घर भएका जोशीराम मुड्केचुला गाउँपालिका १ को भेरीकुनाबाट हिजो साँझ बेपत्ता भएका हुन् ।
नियमित गस्तीमा गएको समयमा उनी बेपत्ता भएको बताएको छ । जिल्ला प्रहरी कार्यालयबाट प्रहरी नायव निरीक्षकको नेतृत्वमा खटिएकोे टोलीले घटनास्थलबाट उनको झोला फेला पारेको छ ।
ट्रेन्डिङ पोस्ट
टिप्पणीहरू