एक ग्राम ब्राउनसुगरसहित दुइजना पक्राउ
दाङमा लागूऔषधसहित दुई जना समातिएका छन् ।
घोराही उपमहानगरपालिका–१६ बैरबटुवाका २१ वर्षीय भुवन डाँगी र सोही उपमहानगरपालिका–१० नारायणपुरका २० वर्षीय प्रवेश रोकालाई प्रहरीले हिजो ब्राउनसुगरसहित पक्राउ गरेको हो ।
जिल्ला प्रहरी कार्यालय दाङबाट खटिएको प्रहरी टोलीले रा. ५ प ७२५० नम्बरको मोटरसाइकल चेकजाँच गर्ने क्रममा उनीहरुलाई बैरबटुवा शिवशक्ति टोलबाट एक ग्राम ब्राउनसुगरसहित नियन्त्रणमा लिएको बताएको छ ।
पक्राउ परेका उनीहरुमाथि थप अनुसन्धान भइरहेको प्रहरीले जनाएको छ ।
टिप्पणीहरू