राजधानीमा जुवाको खालबाट ९ जना समातिए
काठमाडौंको बूढानीलकण्ठमा जुवा खेलिरहेका नौं जना जुवाडे खालबाट समातिएका छन् । मण्डिखाटारबाट ४२ वर्षीया हेमा गुरुङसहित उनीहरुलाई जुवा खेलिरहेको अवस्थामा प्रहरीले पक्रेको बताइएको छ ।
विशेष सुराकीको आधारमा प्रहरी वृत्त महाराजगञ्जबाट खटिएको टोलीले उनीहरुलाई गुरुङको कोठामा जुवा खेलिरहेको अवस्थामा गएराति पक्राउ गरेको हो ।
उनीहरुको साथबाट एक लाख ७० हजार नगद र तीन बुक तास बरामद भएको छ । पक्राउ परेकाहरुमाथि थप आवश्यक अनुसनधान भइरहेको प्रहरीले जनाएको छ ।
टिप्पणीहरू