मेची पुलमाथि २ ग्राम खैरो हिरोइन बरामद
झापा प्रहरीले लागुपदार्थसहित दुई जनालाई पक्राउ गरेको छ । मेचीनगर नगरपालिका ८ का २७ वर्षीय अजय मेचे र २८ वर्षीय श्यामबहादुर दर्जी लागुपदार्थसहित समातिएका हुन् ।
इलाका प्रहरी कार्यालय काँकरभिट्टा र लागुऔषध नियन्त्रण ब्यूरो काँकरभिट्टाबाट खटिएको टोलीले पुरानो मेची पुलबाट उनीहरुलाई २ ग्राम खैरो हिरोइनसहित गएराति नियन्त्रणमा लिएको हो ।
प्रहरीका अनुसार भारतबाट नेपालतर्फ पैदल आउँदै गरेका उनीहरुको खानतलासी गर्ने क्रममा उक्त लागुऔषध फेला परेको हो । पक्राउ परेका उनीहरुमाथि थप आवश्यक अनुसन्धान भइरहेको बताइएको छ ।
टिप्पणीहरू