खेल्दाखेल्दै प्वालमा छिरेकी बालिकाको मृत्यु

पोखरामा एक बालिकाको खाल्डोमा खसेर ज्यान गएको छ । दुई सय मीटर गहिरो खाल्डोमा खस्दा पोखरा महानगरपालिका वडा नम्बर ८ नागढुंगा बस्ने स्मृति पराजुलीको मृत्यु भएको हो ।

खेल्न जाने भन्दै उनी हिजो घरबाट निस्किएकी थिइन् । वडा नम्बर १५ स्थित सीताराम हाउजिङ्गनजिकै रहेको मैदानमा खेल्ने क्रममा उनी भाँसिएको प्वालमा खसेकी हुन् । 

बालिका खाल्डोमा खसेको जानकारी पाउनासाथ सशस्त्र प्रहरी बल, नेपाल नम्बर २४ कालिका गण, कास्कीबाट खटिएको गोताखोरसहितको टोली घटनास्थल पुगेको थियो । उद्धार गरेर पश्चिमाञ्चल स्वास्थ्य विज्ञान प्रतिष्ठान लगिएकी उनलाई चिकित्सकले मृत घोषित गरिदिएका हुन् ।