चट्याङ उतिसको रुखमा, घाइते लक्ष्मण विक

काभ्रेमा परेको चट्याङमा एक जना गम्भीर घाइते भएका छन् । आज साँझ ५ बजेको समयमा भएको उक्त प्राकृतिक प्रकोपमा काभ्रे मण्डनपुर नगरपालिका १ का २३ वर्षे लक्ष्मण विक घाइते भएको बताइएको छ ।

साँझ हावाहुरीसँगै परेको चट्याङ विकको घर नजिकैको उतिसको रुखमा परेको थियो । नजिकै रहेका लक्ष्मण चट्याङबाट घाइते भएका हुन् । 

बायाँ गोडामा चट्याङको झट्का लागेका उनको हाल भक्तपुरको आरोग्य अस्पतालमा उपचार भइरहेको छ ।