चौधरी ग्रुपको गेट अगाडि सवारी दुर्घटना, मोटरसाइकल चालकको निधन

काठमाडौंको सतुंगलमा भएको सवारी दुर्घटनामा गम्भीर घाइते बनेका मोटरसाइकल चालकको मृत्यु भएको छ । बिहान ९ बजेको समयमा चौधरी ग्रुपको गेट नजिकै माइक्रोबस र मोटरसाइकल ठोक्किएको थियो ।

दुर्घटनामा मोटरसाइकल चालक २२ वर्षे रसिक रामजाली गम्भीर घाइते भएपछि उपचारार्थ वीर अस्पतालको ट्रमा सेन्टर पुर्याइएको थियो । कंलकीबाट चितवन जाँदै गरेको बा. ५ ख ७००४ नम्बरको हायस र सोही दिशातर्फ जाँदै गरेको प्रदेश नम्बर ०३–०२–०१३ प ९१८ नम्बरको मोटरसाईकल आपसमा ठोक्किएको बताइन्छ । 

मोटरसाइकल बायाँतर्फबाट ओभरटेक गर्ने क्रममा माइक्रोसँग ठक्कर खाएको प्रहरीको भनाइ छ । मोटरसाइकल चालक रामजाली पाल्पा,  तानसेन ३ निवासी हुन् ।

उनलाई ट्रमा सेन्टर पुर्याएपछि चिकित्सकहरुले मृत घोषणा गरेका हुन् । दुवै सवारी साधन र हायस चालकलाई प्रहरी वृत्त थानकोटको नियन्त्रणमा राखिएको प्रहरीले जानकारी दिएको छ ।